பள்ளி ஆண்டு விழா

சுரண்டை:

சுரண்டை எஸ்.ஆர்.ஸ்கூல் ஆப் எக்ஸலன்ஸ் பள்ளியில் ஆண்டு விழா நடைபெற்றது. விழாவுக்கு குழல்வாய்மொழி அம்மாள் - சிவநாடார் அறக்கட்டளை நிறுவனர் ராஜேந்திரன், தமிழ்செல்வி ஆகியோர் தலைமை தாங்கினர். அறக்கட்டளை நிர்வாக அறங்காவலர் சிவபபிஸ்ராம், செயலாளர் சிவடிப்ஜினிஸ்ராம், முதல்வர் பொன்மனோன்யா, தலைமை ஆசிரியர் மாரிக்கனி ஆகியோர் முன்னிலை வகித்தனர்.

சிறப்பு விருந்தினர்களாக தென்காசி எம்.எல்.ஏ. .பழனிநாடார், தென்காசி தெற்கு மாவட்ட தி.மு.க. செயலாளர் ஜெயபாலன், சுரண்டை நகராட்சி தலைவர் வள்ளிமுருகன் ஆகியோர் கலந்துகொண்டனர். அறக்கட்டளை நிறுவனர் தமிழ்செல்வி ராஜேந்திரன் குத்துவிளக்கு ஏற்றினார். மாணவி இனியா ஸ்ரீ வரவேற்றார்.

தொடர்ந்து வில்லிசை நிகழ்ச்சி, ஆடை அலங்கார நிகழ்ச்சி, கார்ட்டூன் நடனம், ரோபோடிக் நடனம், குறவன்- குறத்தி ஆட்டம் உள்ளிட்ட பல்வேறு கலைநிகழ்ச்சிகள் நடைபெற்றது. போட்டியில் வெற்றி பெற்ற மாணவர்களுக்கு பரிசுகள் வழங்கப்பட்டன. மாணவி விருந்தாஸ்ரீ நன்றி கூறினார்.