மரக்கன்றுகள் நடும் நிகழ்ச்சி

சேரன்மாதேவி:

கோபாலசமுத்திரம் கிராம உதயம் தலைமை அலுவலகம் சார்பில், முன்னாள் ஜனாதிபதி டாக்டர் அப்துல் கலாமின் 91-வது பிறந்த நாள் விழாவை முன்னிட்டு, 591 மரக்கன்றுகள் வழங்குதல், நடுதல், பராமரித்தல் மற்றும் துணிப்பைகள் வழங்குதல் நிகழ்ச்சி நடந்தது. கிராம உதயம் நிர்வாக இயக்குனர் சுந்தரேசன் தலைமை தாங்கி, மரக்கன்றுகளை நட்டு தொடங்கி வைத்தார்.

கிராம உதயம் ஆலோசனை குழு உறுப்பினர் வக்கீல் புகழேந்தி பகத்சிங் முன்னிலை வகித்தார். கிராம உதயம் நிர்வாக மேலாளர் மகேஷ்வரி வரவேற்று பேசினார். மரக்கன்றுகளை வளர்ப்பதன் அவசியம் குறித்து கிராம உதயம் பகுதி பொறுப்பாளர்கள் முருகன், கணேசன், ஆறுமுகத்தாய் ஆகியோர் விளக்கி கூறினர். கிராம உதயம் தனி அலுவலர் மீனாட்சி நன்றி கூறினார். தொடர்ந்து சுற்றுச்சூழல் பாதுகாப்பு குறித்த விழிப்புணர்வு பேரணி நடைபெற்றது.