போதை ஊசி விற்பனை: மேலும் ஒருவர் கைது

சின்னமனூரில் கடந்த சில நாட்களாக போதை ஊசி விற்பனை செய்ததாக பலர் கைது செய்யப்பட்டனர். இதையடுத்து கைதான திருச்சியை சேர்ந்த ஜோனத்தன் மார்க்கிடம் விசாரணை நடத்தியதில் சின்னமனூர் அய்யனார்புரத்தை சேர்ந்த நிஷாந்த் (வயது 20) சுமார் 20-க்கும் மேற்பட்ட போதை மருந்து பாட்டில்களை வாங்கி கல்லூரி மற்றும் பள்ளி மாணவர்களுக்கு விற்பனை செய்து வந்தது தெரியவந்தது. இந்நிலையில் தனிப்படை சப்-இன்ஸ்பெக்டர் கதிரேசன் தலைமையிலான அதிகாரிகள் அவரை இன்று கைது செய்தனர். மேலும் போதை மருந்து பாட்டில்கள் பறிமுதல் செய்யப்பட்டது.