பள்ளி சுற்றுச்சுவர் கட்டித்தர கோரிக்கை

திருவள்ளூர் மாவட்டம், திருத்தணி குமாரகுப்பம் பகுதியில் ஊராட்சி ஒன்றிய தொடக்கப்பள்ளி இயங்கி வருகிறது. இங்கு 1-ம் வகுப்பு முதல் 5-ம் வகுப்பு வரை 30-க்கும் மேற்பட்ட மாணவ, மாணவிகள் கல்வி பயின்று வருகிறனர். பள்ளிக்கு சுற்று சுவர் இல்லாததால் இரவு நேரங்களில் பள்ளி வளாகத்துக்குள் சிலர் சமூக விரோத செயல்களில் ஈடுபட்டு வருகின்றனர். பள்ளியை ஒட்டி வனப்பகுதி மற்றும் வயல்வெளிகள் உள்ளதால் விஷப் பூச்சிகள் நடமாட்டமும் அதிகளவு காணப்படுகிறது. மேலும் இந்த பள்ளி மாணவர்களுக்கு போதிய பாதுகாப்பு இல்லாததால் பள்ளியை சுற்றிலும் சுற்றுச்சுவர் கட்டி தரவேண்டும் என பெற்றோர்களும், பள்ளி மாணவ- மாணவிகள் மாவட்ட நிர்வாகத்திற்கு கோரிக்கை விடுத்துள்ளனர்.