நாமக்கல்லில் அதிகபட்சமாக21 மி.மீட்டர் மழைபதிவு

நாமக்கல் மாவட்டத்தில் கடந்த சில நாட்களாக ஆங்காங்கே லேசானது முதல் மிதமான மழை பெய்து வருகிறது. நேற்று முன்தினம் அதிகபட்சமாக நாமக்கல்லில் 21 மி.மீட்டர் மழைபதிவானது. நேற்று காலை 6 மணி நிலவரப்படி மாவட்டத்தில் பதிவான மழைஅளவு மி.மீட்டரில் வருமாறு:-

கலெக்டர் அலுவலகம்-13, புதுச்சத்திரம்-12, ராசிபுரம்-9, சேந்தமங்கலம்-5, குமாரபாளையம்-4, எருமப்பட்டி-3.

நாமக்கல் நகரை பொறுத்த வரையில் நேற்று காலையில் வெயிலின் தாக்கம் அதிகமாகவே இருந்தது. இருப்பினும் மாலை 5 மணிக்கு பிறகு லேசான சாரல்மழை பெய்தது. இதனால் இரவில் வெப்பம் தணிந்து குளிர்ந்த காற்று வீசியது.