உடையார்பாளையத்தில் மழை

அரியலூர் மாவட்டம் உடையார்பாளையம் பகுதியில் கடந்த ஒரு வாரமாக வெயிலின் தாக்கம் அதிகமாக இருந்து வந்தது. நேற்று மதியம் வெயிலின் தாக்கம் குறைந்து கருமேகம் சூழ்ந்து குளிர்ந்த காற்று வீசத்தொடங்கியது. இரவு 7 மணியளவில் பலத்த கன மழை பெய்தது. இந்த மழை உடையார்பாளையம், கழுமங்கலம், முணியத்தரியான்பட்டி, கச்சிப்பெருமால், துலாரங்குறிச்சி, சூசையப்பர்பட்டிணம், இடையார், ஏந்தல், வானத்திரியான்பட்டிணம், ஒக்கநத்தம், பிலிச்சிக்குழி, காடுவெட்டாங்குறிச்சி, சோழங்குறிச்சி, பருக்கல், வெண்மான்கொண்டான், சுத்தமல்லி, ஆதிச்சனூர், நாச்சியார்பேட்டை உள்ளிட்ட கிராமங்களில் பலத்த மழை பெய்தது. இந்த மழையால் விவசாயிகள் மற்றும் பொதுமக்கள் மகிழ்ச்சி அடைந்துள்ளனர்.