தரமான விதைகளை விற்பனை செய்ய வேண்டும்

கிருஷ்ணகிரி விதை பரிசோதனை நிலைய வேளாண்மை அலுவலர் லோகநாயகி வெளியிட்டுள்ள செய்திக்குறிப்பில் கூறியிருப்பதாவது:-கிருஷ்ணகிரி மாவட்டத்தை சேர்ந்த விதை விற்பனையாளர்கள் தாங்கள் விற்பனை செய்யும் விதை குவியல்களின் தரமறிந்து விவசாயிகளுக்கு விற்பனை செய்ய வேண்டும். விதை உற்பத்தியாளர்கள் அல்லது மொத்த விற்பனையாளர்களிடம் இருந்து விதை கொள்முதல் செய்யும் போது விற்பனை பட்டியல்களுடன், விதை முறைப்புத்திறன் பகுப்பாய்வறிக்கையையும் கேட்டு சரிப்பாருங்கள். பகுப்பாய்வறிக்கை பெறப்படாத விதைக் குவியல்களில் இருந்து பணிவிதை மாதிரிகள் எடுத்து ஒரு பணிவிதை மாதிரிக்கு பரிசோதனை கட்டணமாக ரூ.80-ஐ செலுத்தி விதைகளின் தரத்தினை அறிந்து கொள்ள வேண்டும். விதை குவியல்களின் தரமறிந்து நல்ல தரமான விதைகளை விவசாயிகளுக்கு விற்பனை செய்யவேண்டும் இவ்வாறு அதில் கூறப்பட்டுள்ளது.