காங்கிரஸ் கட்சியினர் போராட்டம்

ராஜபாளையம்,

பேரறிவாளன் விடுதலையை கண்டித்து வாயில் வெள்ளை துணி கட்டி காங்கிரஸ் கட்சியினர் போராட்டத்தில் ஈடுபட்டனர்.

போராட்டம்

முன்னாள் பிரதமர் ராஜீவ் காந்தி கொலை வழக்கில் சம்பந்தப்பட்ட பேரறிவாளனை உச்ச நீதிமன்றம் விடுதலை செய்தது. இதை கண்டித்து ராஜபாளையம் நகர காங்கிரஸ் கட்சி சார்பில் ராஜபாளையம் ஜவகர் மைதானம் முன்பு நகர தலைவர் சங்கர் கணேசன் தலைமையில் வாயில் வெள்ளை துணியை கட்டிக்கொண்டு அறவழி போராட்டம் நடைபெற்றது.

இந்த போராட்டத்தில் நகராட்சி கவுன்சிலர்கள் சங்கர் கணேஷ், புஷ்பா மற்றும் நகர நிர்வாகிகள் ராஜா லிங்கராஜா, சக்தி மோகன் உள்பட கட்சி நிர்வாகிகள் பலர் கலந்து கொண்டனர். அதேபோல் சேத்தூர் நகர காங்கிரஸ் கமிட்டி மற்றும் இளைஞர் காங்கிரஸ் கமிட்டி சார்பில் சேத்தூர் பஸ் நிலையம் முன்பு நகர தலைவர் நச்சாடலிங்கம் தலைமையில் போராட்டம் நடைபெற்றது. இதில் மேற்கு மாவட்ட இளைஞர் காங்கிரஸ் துணைத்தலைவர் சாமி, மேற்கு மாவட்ட துணைத்தலைவர் அய்யனார், பொதுச் செயலாளர் செல்வராஜ் மற்றும் பலர் கலந்து கொண்டனர்.

செட்டியார்பட்டி நகர காங்கிரஸ் தலைவர் மணிகண்டன் தலைமையில் நடந்த போராட்டத்தில் சிறுபான்மை பிரிவு மேற்கு மாவட்ட தலைவர் ராமர், வட்டார துணைத்தலைவர் சின்னத்தம்பி, சுந்தரராஜபுரம் கிராம காங்கிரஸ் தலைவர் மனோகரன் கலந்து கொண்டனர். ராஜபாளையம் கிழக்கு வட்டார காங்கிரஸ் சார்பில் நடைபெற்ற போராட்டத்தில் முன்னாள் தலைவர் சங்குதுரை தலைமையில், வட்டார தலைவர் கோபாலகிருஷ்ணன், நிர்வாகி அய்யனார் உள்பட பலர் கலந்து கொண்டனர்.

அருப்புக்கோட்டை, தாயில்பட்டி

அருப்புக்கோட்டையில் விருதுநகர் கிழக்கு மாவட்ட இளைஞர் காங்கிரஸ் சார்பாக வாயில் வெள்ளை துணி கட்டி போராட்டம் நடைபெற்றது. கிழக்கு மாவட்ட இளைஞர் காங்கிரஸ் தலைவர் ஜோதிமணி தலைமை தாங்கினார். காங்கிரஸ் மாவட்ட துணைத்தலைவர் அய்யனார் முன்னிலை வகித்தார். இதில், மாவட்ட செயலாளர் கனகவேல், மாவட்ட பொது செயலாளர் சண்முகவேல், நகர தலைவர் லட்சுமணன், சட்டமன்ற மகிளா தலைவி கவிதா, இளைஞர் காங்கிரஸ் தலைவர் மணிகண்டமூர்த்தி, சங்கர்குமார் மற்றும் பலர் கலந்து கொண்டனர்.

சிவகாசி அருகே உள்ள தாயில்பட்டியில் காங்கிரஸ் சார்பில் நடந்த போராட்டத்திற்கு வெம்பக்கோட்டை வடக்கு வட்டார தலைவர் செல்வக்கனி தலைமை தாங்கினார். தாயில்பட்டி முருகராஜ், கோட்டையூர் சேகர், இளைஞர் காங்கிரஸ் தலைவர் ராஜபாண்டியன், குண்டாயிருப்பு முன்னாள் பஞ்சாயத்து தலைவர் அமல்ராஜ், கட்டணஞ்செவல் பெருமாள் உள்ளிட்டோர் கலந்து கொண்டனர்.

சாத்தூர்

சாத்தூர் வடக்கு ரத வீதியில் காங்கிரஸ் சார்பில் வாயில் வெள்ளை துணியை கட்டிக்கொண்டு ஒரு மணி நேரம் அறவழி போராட்டம் நடைபெற்றது. இந்த போராட்டத்திற்கு விருதுநகர் மேற்கு மாவட்ட காங்கிரஸ் பொதுச்செயலாளர் ஜோதி நிவாஸ் தலைமை தாங்கினார். சாத்தூர் நகர காங்கிரஸ் தலைவர் அய்யப்பன், சாத்தூர் கிழக்கு வட்டார தலைவர் சுப்பையா, மாவட்ட செயலாளர் சந்திரன் ஆகியோர் முன்னிலை வகித்தனர். இந்த போராட்டத்தில் 30-க்கும் மேற்பட்ட காங்கிரஸ் நிர்வாகிகள் கலந்து கொண்டனர்.