கிரிக்கெட் போட்டியில் வெற்றி பெற்றவர்களுக்கு பரிசு

செங்கோட்டை:

செங்கோட்டையில் மறைந்த முன்னாள் முதல்-அமைச்சர் கருணாநிதி நூற்றாண்டு பிறந்தநாள் விழாவை முன்னிட்டு, தென்காசி தெற்கு மாவட்ட கழக செயலாளர் வழக்கறிஞர் பொ.சிவபத்மநாதன் அறிவுறுத்துதலின்படி செங்கோட்டை நகர தி.மு.க. மற்றும் நகர விளையாட்டு மேம்பாட்டு அணியின் சார்பில் கிரிக்கெட் போட்டி நடைபெற்றது. நிகழ்ச்சிக்கு செங்கோட்டை நகர தி.மு.க. செயலாளர் வழக்கறிஞர் வெங்கடேசன் தலைமை தாங்கினார். ஒன்றிய செயலாளர் ரவிசங்கர், செங்கோட்டை நகர நிர்வாகிகள் காளி, ஜோதிமணி, தில்லை கே.நடராஜன், பாஞ்ச் பீர்முகம்மது, லெ.சுப்பிரமணியன், மணிகண்டன் கலைஞர் தமிழ்ச் சங்க செயலாளர் ஆபத்துக்காத்தான், பொதுக்குழு உறுப்பினர் ரஹீம் ஆகியோர் முன்னிலை வகித்தனா். நகர விளையாட்டு மேம்பாட்டு அணி அமைப்பாளர் ரெட் சரவணன் வரவேற்றார்.

தென்காசி தெற்கு மாவட்ட செயலாளர் சிவபத்மநாதன் கலந்துகொண்டு கிரிக்கெட் போட்டியில் வெற்றி பெற்ற அணிகளுக்கு பரிசுகளை வழங்கினார்.

முதல் பரிசை செங்கோட்டை ரெட் ரோஸ் குழுவினரும், 2-ம் பரிசை தாட்கோ நகர் ஏ.எம்.கே.எஸ் அணியினரும், 3-ம் பரிசை வம்பளந்தான் முக்கு டிராகன் பாய்ஸ் அணியினரும், 4-ம் பரிசை கதிரவன் காலனி கே.சி. வாரியர்ஸ் அணியினரும் பெற்றனர்.

நிகழ்ச்சியில் மாவட்ட வழக்கறிஞர் அணி அமைப்பாளர் வேலுச்சாமி, மாவட்ட மாணவரணி துணை அமைப்பாளர் மாரியப்பன், மாவட்ட தொண்டரணி துணை அமைப்பாளர்கள் மோகன், சுப்பிரமணியன், குற்றாலம் பேரூர் கழக செயலாளர் குட்டி என்ற சங்கர், மாவட்ட விவசாய அணி துணை அமைப்பாளர் காதர் அண்ணாவி, மாவட்ட மகளிர் அணி தலைவர் பேபி ரஜப்பாத்திமா உள்பட பலர் கொண்டனர். முடிவில் தீயணைப்புத்துறை செந்தில் நன்றி கூறினார்.