கபடி போட்டியில் வென்ற அணிகளுக்கு பரிசு

நெல்லை அருகே மேட்டு பிராஞ்சேரியில் ஏ.பி.ஜே. ஸ்போர்ட்ஸ் கிளப் மற்றும் கிராம மக்கள் சார்பில் கபடி போட்டி 2 நாட்கள் நடைபெற்றது. இதில் 24 அணிகள் கலந்து கொண்டன. பின்னர் பரிசளிப்பு விழா நடந்தது. பா.ஜனதா பட்டியல் அணி மாநில துணை தலைவர் பொன்ராஜ் தலைமை தாங்கினார். போட்டியில் முதலிடம் வென்ற மலைப்பட்டி அணிக்கு பரிசு கோப்பையை ஊர் நாட்டாண்மை பெருமாள் திருப்பதி வழங்கினர்.

இரண்டாம் இடம் பிடித்த தலையால்நடந்தான்குளம் அணிக்கு பஞ்சாயத்து துணைத்தலைவி ரெஜினா பரிசு வழங்கினார். மூன்றாவது இடம் பிடித்த வடக்கு செழியநல்லூர் அணிக்கு பொன்ராஜ் பரிசு வழங்கினார். 4-வது இடம் பிடித்த மேட்டு பிராஞ்சேரி ஏ.பி.ஜே. ஸ்போர்ட்ஸ் கிளப் அணிக்கு தங்கராஜ் பரிசு வழங்கினார். ஒருங்கிணைப்பு குழு தங்கராஜ், ராமச்சந்திரன் உள்பட பலர் கலந்து கொண்டனர்.