போட்டியில் வெற்றி பெற்றவர்களுக்கு பரிசு

செங்கோட்டை:

செங்கோட்டை அரசு எஸ்.ஆர்.எம். பெண்கள் மேல்நிலைப்பள்ளியில் விவேகானந்தா கேந்திரம் செங்கோட்டை கிளையின் சார்பில் ஒன்றிய அளவில் 1 முதல் 10-ம் வகுப்பு வரை படிக்கும் மாணவ-மாணவிகளுக்கு பண்பாட்டு போட்டி நடந்தது. இதில் சுற்றுவட்டாரத்தில் பல்வேறு பள்ளிகளில் இருந்து ஏராளமான மாணவ-மாணவிகள் கலந்து கொண்டனர்.

எஸ்.ஆர்.எம். அரசு பெண்கள் மேல்நிலைப்பள்ளி தலைமை ஆசிரியர் மனோன்மணி தலைமை தாங்கினார். ஆசிரியர் சுதாகர் முன்னிலை வகித்தார். கேந்திர மேற்பார்வையாளர் சந்திரா வரவேற்று பேசினார். கேந்திர மாவட்ட பொறுப்பாளர் கருப்பசாமி மாணவர்களை வாழ்த்தி ஆசியுரை வழங்கினார். ஆசிரியர்கள் பிச்சம்மாள், அருணாசலம் ஆகியோர் வாழ்த்துரை வழங்கினர்.

பின்னர் கதைசொல்லுதல் போட்டி, ஒப்புவித்தல் போட்டி, இசைப்போட்டி, பேச்சுப்போட்டி, கட்டுரைப்போட்டி, கதை எழுதும்போட்டி, நினைவாற்றல் சோதனைப்போட்டி, வினாடி-வினா போட்டிகள் நடத்தப்பட்டது. இதில் வெற்றி பெற்ற மாணவ-மாணவிகளுக்கு சொர்ணபூமி பில்டர்ஸ் செல்வகணேசன், வேல்சாமி ஆகியோர் சார்பில் பரிசு மற்றும் பாராட்டுச் சான்றிதழ்கள் வழங்கப்பட்டது.

முடிவில் கேந்திர மேற்பார்வையாளர் சரஸ்வதி நன்றி கூறினார். ஏற்பாடுகளை கேந்திர ஆசிரியைகள் மஞ்சு, வேணி, துர்க்க, விஜயகுமாரி ஆகியோர் செய்திருந்தனர்.