இன்று மின்சாரம் நிறுத்தப்படும் இடங்கள்

சாலை விரிவாக்க பணி

சின்னாளப்பட்டியில், நெடுஞ்சாலை துறையின் சாலை விரிவாக்க பணி நடைபெற உள்ளது. இதற்காக உயர் அழுத்த மின்பாதையில் டிரான்ஸ்பார்மர்களை மாற்றி அமைக்கும் பணி இன்று (புதன்கிழமை) நடக்கிறது.

இதையொட்டி கீழக்கோட்டை துணை மின்நிலையத்துக்கு உட்பட்ட சின்னாளப்பட்டி திரு.வி.க. நகர் பகுதிகள், கஸ்தூரிபா மருத்துவமனை பிரதான சாலை பகுதிகள், பூஞ்சோலை, ஜீவா நகர், ஆர்.சி.பள்ளி தெரு பகுதிகளில் இன்று காலை 10 மணி முதல் பகல் 2 மணி வரை மின்சார வினிேயாகம் நிறுத்தம் செய்யப்படுகிறது. இத்தகவலை, சின்னாளப்பட்டி மின்வாரிய உதவி செயற்பொறியாளர் சீனிவாசன் தெரிவித்துள்ளார்.

எரியோடு

இதேபோல் எரியோடு துணை மின்நிலையத்தில் இன்று மாதாந்திர பராமரிப்பு பணி நடைபெறுகிறது. இதையொட்டி எரியோடு, நாகையகோட்டை, புதுரோடு, வெல்லம்பட்டி, பாகாநத்தம், குண்டாம்பட்டி, கோட்டைகட்டியூர், சவடகவுண்டன்பட்டி, நல்லமநாயக்கன்பட்டி, சித்தூர், வரப்பட்டி, அச்சனம்பட்டி, தண்ணீர்பந்தம்பட்டி, காமணம்பட்டி, அருப்பம்பட்டி, தொட்டணம்பட்டி மற்றும் அதனைச்சுற்றியுள்ள கிராமங்களில் காலை 9 மணி முதல் பகல் 2 மணி வரை மின்சார வினியோகம் நிறுத்தப்பட உள்ளது என்று எரியோடு மின்வாரிய உதவி செயற்பொறியாளர் பஞ்சநதம் தெரிவித்துள்ளார்.

குஜிலியம்பாறை

பாளையம் துணை மின்நிலையத்தில் இன்று மாதாந்திர பராமரிப்பு பணி நடக்கிறது. இதனால் பாளையம், தி.கூடலூர், குஜிலியம்பாறை வடக்கு, ஆனைப்பட்டி, வான்ராயன்பட்டி, அணியாப்பூர் மற்றும் அதனை சுற்றியுள்ள பகுதிகளில் காலை 9 மணி முதல் மாலை 5 மணி வரை மின்வினியோகம் இருக்காது. இந்த தகவலை, குஜிலியம்பாறை மின்வாரிய உதவி செயற்பொறியாளர் பிச்சை தெரிவித்துள்ளார்.

கொடைக்கானல்

கொடைக்கானல் துணை மின்நிலையத்தில் இன்று பராமரிப்பு பணி நடப்பதையொட்டி கொடைக்கானல் நகரம், பூம்பாறை, மன்னவனூர், கவுஞ்சி, பூண்டி, கிளாவரை, கூக்கால், பழம்புத்தூர், குண்டுப்பட்டி, கோம்பைக்காடு, வில்பட்டி, பெருமாள்மலை, பி.எல்.செட், ஊத்து, பண்ணைக்காடு, தாண்டிக்குடி, கே.சி.பட்டி, பாச்சலூர் மற்றும் அதனை சுற்றியுள்ள இடங்களில் காலை 9 மணி முதல் மதியம் 2 மணி வரை மின்சார வினியோகம் நிறுத்தப்பட உள்ளது. மேற்கண்ட தகவலை, கொடைக்கானல் மின்வாரிய செயற்பொறியாளர் கருப்பையா தெரிவித்துள்ளார்.