தி.மு.க. அரசின் சாதனை விளக்க கூட்டம்

பேராவூரணி;

பேராவூரணி காந்தி பூங்கா அருகில், தி.மு.க. அரசின் ஓராண்டு சாதனை விளக்க கூட்டம், ஒன்றிய பொறுப்பாளர் க.அன்பழகன் தலைமையில் நடைபெற்றது. நகர செயலாளர் என்.எஸ்.சேகர் வரவேற்றார். தஞ்சை தெற்கு மாவட்ட பொறுப்பாளர் ப.பாலசுப்பிரமணியன், என்.அசோக்குமார் எம்.எல்.ஏ. ஆகியோர் முன்னிலை வகித்தனர்.தலைமைக் கழகப் பேச்சாளர் அ.அப்துல் மஜீது, இடிமுரசு மணிமுத்து, சைதை சாதிக் ஆகியோர் பேசினர். எஸ்.எஸ்.பழனிமாணிக்கம் எம்.பி. தமிழக அரசின் சாதனை குறித்து பேசினார். கூட்டத்தில் முன்னாள் மாவட்ட துணைச் செயலாளர் என்.செல்வராஜ், சேதுபாவாசத்திரம் ஒன்றியப் பெருந்தலைவர் மு.கி.முத்துமாணிக்கம், ஒன்றியப் பொறுப்பாளர்கள், பேரூராட்சி தலைவர்கள் சாந்தி சேகர் சுந்தரத்தமிழ் ஜெயப்பிரகாஷ் மற்றும் பலர் கலந்து கொண்டனர்.