குழாய்கள் பதிக்கும் பணி எதிரொலி: போடியில் 2 நாட்கள் குடிநீர் வினியோகம் நிறுத்தம்

போடி நகராட்சி பகுதிக்கு கொட்டக்குடி ஆற்றில் உறைகிணறுகள் அமைக்கப்பட்டு அங்கிருந்து குழாய்கள் மூலம் தண்ணீர் கொண்டு வரப்பட்டு சுத்திகரித்து வினியோகம் செய்யப்படுகிறது. இந்நிலையில் குடிநீர் அபிவிருத்தி திட்டத்தின் கீழ் நகராட்சி பகுதியில் 4 இடங்களில் குடிநீர் மேல்நிலை நீர்த்தேக்க தொட்டிகள் கட்டப்பட்டுள்ளன. இந்த தொட்டிகளில் ஏற்றுவதற்காக முல்லைப்பெரியாறு இருந்து தண்ணீர் கொண்டு வருவதற்கு குழாய்கள் பதிக்கப்பட்டு வருகிறது.

இதேபோல் போடி குரங்கணி கொட்டக்குடி ஆற்றில் இருந்து தண்ணீர் கொண்டு வர குழாய்கள் பதிக்கும் பணி நடைபெற்று வருகிறது. இதனால் நாளை (புதன்கிழமை), நாளை மறுநாள் ஆகிய 2 நாட்கள் போடி பகுதியில் குடிநீர் வினியோகம் நிறுத்தப்படுகிறது. இந்த தகவலை போடி நகராட்சி ஆணையாளர் (பொறுப்பு) செல்வராணி தெரிவித்தார்.