பாலக்காடு செல்லும் பயணிகள் ரெயில் இன்று கரூரில் இருந்து புறப்படும்

திருச்சி ரெயில்வே ஜங்ஷனில் இருந்து (வண்டி எண் 16843) மதியம் 1 மணிக்கு புறப்பட்டு கரூர் வழியாக பாலக்காடு வரை செல்லும் பயணிகள் ரெயில் இன்று (ஞாயிற்றுக்கிழமை) மட்டும் திருச்சியில் இருந்து கரூர் வரை செல்வது பகுதி தூரம் ரத்து செய்யப்படுகிறது. கரூர் அருகே உள்ள வீரராக்கியம் ரெயில் நிலையத்தில் பொறியியல் பணிகள் நடைபெற உள்ளது. இதனையொட்டி ரெயில் இன்று திருச்சியில் இருந்து கரூர் வரை செல்லாது. அதற்கு பதிலாக அந்த ரெயில் கரூர் ரெயில் நிலையத்தில் இருந்து புறப்பட்டு பாலக்காடு செல்லும் என சேலம் கோட்ட ரெயில்வே அதிகாரிகள் தெரிவித்துள்ளனர்.