அங்கன்வாடி மையம் திறப்பு

இட்டமொழி:

பாளையங்கோட்டை யூனியன் இட்டேரி பஞ்சாயத்து அலுவலக கட்டிடம் ரூ.23.57 லட்சம் மதிப்பிலும், அதன் அருகே அங்கன்வாடிமைய கட்டிடம் ரூ.10.93 லட்சம் மதிப்பிலும் புதிதாக கட்டப்பட்டு திறப்பு விழா நேற்று நடைபெற்றது. பாளையங்கோட்டை யூனியன் தலைவரும், பாளையங்கோட்டை தெற்கு ஒன்றிய தி.மு.க. செயலாளருமான கே.எஸ்.தங்கபாண்டியன் தலைமை தாங்கி, புதிய கட்டிடங்களை திறந்து வைத்தார்.

விழாவில் இட்டேரி பஞ்சாயத்து தலைவர் பேச்சியம்மாள் இசக்கிபாண்டி, துணைத்தலைவர் சுப்புலட்சுமி, யூனியன் துணைத்தலைவர் முரளிதரன், யூனியன் ஆணையாளர் இ.பாலசுப்பிரமணியன், ஒன்றிய இளைஞரணி அமைப்பாளர் அய்யப்பன், மாவட்ட பிரதிநிதி இட்டேரி கண்ணன் உள்பட பலர் கலந்து கொண்டனர். முடிவில், ஊராட்சி செயலர் எஸ்.சுப்பையா நன்றி கூறினார்.