வருகின்ற 13-ம் தேதி வரை ஊட்டி மலை ரெயில் சேவை ரத்து

ஊட்டி,

நீலகிரி மாவட்டத்தில் கடந்த சில நாட்களாக பலத்த மழை பெய்து வருகிறது. மழை காரணமாக பல இடங்களில் தண்ணீர் தேங்கியுள்ளது. மேட்டுப்பாளையம்-குன்னூர் மலைப்பாதையில் மண்சரிவு ஏற்பட்டுள்ளது. இதனால் அந்த வழியாக வாகனங்கள் செல்வதற்கு தடை விதிக்கப்பட்டுள்ளது.

இந்த நிலையில், தொடர் கனமழை காரணமாக பாதுகாப்பு கருதி இன்று முதல் வருகின்ற 13-ம் தேதி வரை ஊட்டி மலை ரெயில் சேவை ரத்து செய்யப்படுவதாக ரெயில்வே நிர்வாகம் அறிவித்துள்ளது. இதனால் சுற்றுலாப் பயணிகள் ஏமாற்றம் அடைந்துள்ளனர்.