4-வது மாடியில் இருந்து தவறி விழுந்த மூதாட்டி சாவு

சேலத்தை சேர்ந்தவர் மூர்த்தி. அரசு போக்குவரத்து கழக மேலாண் இயக்குனராக இருந்து ஓய்வு பெற்றவர். இவரது மனைவி மதுரவள்ளி (வயது 71). இவர் திருச்சி கண்டோன்மெண்ட் பகுதி ரெனால்ட்ஸ் ரோடு பகுதியில் அடுக்குமாடி குடியிருப்பில் வசிக்கும் தனது மகள் வீட்டிற்கு வந்து இருந்தார். நேற்று காலை 4-வது மாடியில் கைப்பிடி சுவர் அருகில் படுத்து இருந்தார். அப்போது எதிர்பாராத விதமாக 4-வது மாடியில் இருந்து மதுரவள்ளி தவறி கீழே விழுந்தார். இதில் அவர் சம்பவ இடத்திலேயே துடிதுடித்து பரிதாபமாக இறந்தார். இதுகுறித்து கண்டோன்மெண்ட் போலீசார் வழக்குப்பதிவு செய்து விசாரணை நடத்தி வருகின்றனர்.