கார் மோதி முதியவர் பலி

கூடலூர்

கூடலூர் குசுமகிரியை சேர்ந்தவர் பழனிச்சாமி(வயது 74). இவர் நேற்று மதியம் தனது வீட்டில் இருந்து கூடலூர் பழைய பஸ் நிலையத்துக்கு நடந்து வந்தார். அரசு ஆஸ்பத்திரி மருந்தகம் எதிரே சாலையை கடக்க முயன்றபோது ஊட்டியில் இருந்து மைசூரு நோக்கி சென்ற கார் ஒன்று எதிர்பாராதவிதமாக அவர் மீது மோதியது.

இதில் தூக்கி வீசப்பட்டு பழனிச்சாமி பலத்த காயம் அடைந்தார். இதைத்தொடர்ந்து அக்கம்பக்கத்தினர் அவரை மீட்டு அதே பகுதியில் உள்ள தனியார் ஆஸ்பத்திரியில் சிகிச்சைக்காக கொண்டு சென்றனர். ஆனால் செல்லும் வழியிலேயே பழனிச்சாமி பரிதாபமாக பலியானார். இது குறித்து கூடலூர் போலீசார் வழக்கு பதிவு செய்து விசாரணை நடத்தி வருகின்றனர்.