ஒண்டிவீரன் நினைவு தினம் அனுசரிப்பு

வாசுதேவநல்லூர்:

தென்காசி மாவட்டம் வாசுதேவநல்லூர் அருகே உள்ள பச்சேரி கிராமத்தில் மாவீரன் ஒண்டிவீரனின் 252-வது நினைவு தினம், தென்காசி மாவட்ட பாரதிய ஜனதா கட்சி சார்பில் அனுசரிக்கப்பட்டது. நினைவுத்தூணிற்கு தென்காசி மாவட்ட தலைவர் ராஜேஷ் ராஜா தலைமையில் மாலை அணிவித்து மரியாதை செலுத்தப்பட்டது.

மாவட்ட பார்வையாளர் மகாராஜன், வெளிநாடு மற்றும் அண்டை மாநில தமிழ் வளர்ச்சி பிரிவு மாநில துணை தலைவர் அ.ஆனந்தன், மாநில செயற்குழு உறுப்பினர் ராமராஜா, வாசுதேவநல்லூர் தெற்கு ஒன்றிய தலைவரும், சுப்பிரமணியபுரம் ஊராட்சி மன்ற தலைவருமான வக்கீல்.ராம்குமார் சங்கை தெற்கு ஒன்றிய தலைவர், கணேசன், மாவட்ட இளைஞர் அணி பொதுச் செயலாளர் சங்கரநாராயணன் மற்றும் கட்சி நிர்வாகிகள் கலந்து கொண்டனர்.