வடமாநில வாலிபரை தாக்கி பணம் பறிப்பு; 5 பேர் கைது

உத்தரபிரதேசம் மாநில மதுரா மாவட்டத்தை சேர்ந்தவர் ஓம்பிரகாஷ். இவரின் மகன் துர்கேஷ்குமார் (வயது 28). இவர் நெல்லை மேலப்பாளையம் அருகே தொம்மை மைதீன்புரத்தில் தங்கி தள்ளுவண்டியில் கரும்புச்சாறு கடை நடத்தி வருகிறார். இவரிடம் கடந்த 26-ந்தேதி இரவு மர்மநபர்கள் 5 பேர் பணம் கேட்டு தகராறு செய்துள்ளனர். அவர் பணம் கொடுக்க மறுத்ததால் அவரை தாக்கி அவரிடம் இருந்த சுமார் ரூ.3 ஆயிரத்தை பறித்துச் சென்றனர்.

இதுகுறித்து மேலப்பாளையம் போலீசார் வழக்குப்பதிவு செய்து விசாரணை நடத்தினர். விசாரணையில் குறிச்சி மருதுபாண்டி 1-வது தெருவை சேர்ந்த கணேசன் மகன் செல்வகண்ணன் (20), முருகன் மகன் கண்ணன் (19), சொக்கநாதர் கோவில் தெருவை சேர்ந்த ஜெயசுப்பிரமணியன் மகன் முத்துகுமார் (19) உள்ளிட்ட 5 பேர் வடமாநில வாலிபரை தாக்கி பணம் பறித்தது தெரியவந்தது. இதனையடுத்து போலீசார் அவர்களை கைது செய்தனர்.