தட்டான்குளத்தில் புதிய மின்மாற்றி; ரூபி மனோகரன் எம்.எல்.ஏ. தொடங்கி வைத்தார்

இட்டமொழி:

நாங்குநேரி அருகே உள்ள தட்டான்குளத்தில் மின் அழுத்த குறைபாடு காணப்பட்டதால் மின்வாரியம் மூலம் கிராமப்புற கோட்ட வளர்ச்சி மேம்பாட்டு திட்டத்தின் கீழ் புதிதாக மின்மாற்றி உடனடியாக அமைக்கப்பட்டு அதன் தொடக்க விழா நிகழ்ச்சி நடைபெற்றது. ரூபி மனோகரன் எம்.எல்.ஏ. கலந்து கொண்டு பொதுமக்களின் பயன்பாட்டிற்காக தொடங்கி வைத்தார்.

நிகழ்ச்சியில் நாங்குநேரி மேற்கு ஒன்றிய தி.மு.க. செயலாளர் ஆர்.எஸ்.சுடலைக்கண்ணு, மாவட்ட காங்கிரஸ் பொதுச்செயலாளர் இட்டமொழி நம்பித்துரை, நெல்லை மின்வாரிய செயற்பொறியாளர் குத்தாலிங்கம், நாங்குநேரி உபகோட்ட உதவி செயற்பொறியாளர்கள் ஜெயசீலன், ஆஷா, உதவி பொறியாளர்கள் அன்பு சரவணன், சிவசிவலிங்கம், காங்கிரஸ் வட்டார தலைவர்கள் வாகைதுரை, ராமஜெயம், நளன், மறுகால்குறிச்சி ஊராட்சி துணைத்தலைவர் புஷ்பபாண்டி உள்பட பலர் கலந்து கொண்டனர்.