எஸ்.கல்லுப்பட்டியில் புதிய கலையரங்கம்

காரியாபட்டி,

காரியாபட்டி ஊராட்சி ஒன்றியம் எஸ்.கல்லுப்பட்டி கிராமத்தில் கட்டப்பட்டுள்ள கலையரங்கம் திறப்பு விழா நடைபெற்றது. விழாவிற்கு யூனியன் தலைவர் முத்துமாரி தலைமை தாங்கினார். யூனியன் துணைத்தலைவர் ராஜேந்திரன், ஊராட்சி மன்ற தலைவர் லட்சுமணன் ஆகியோர் முன்னிலை வகித்தனர். அமைச்சர் தங்கம் தென்னரசு புதிய கலையரங்க கட்டிடத்தை திறந்து வைத்து பேசினார். அப்போது அவர் கூறியதாவது:-

பள்ளி மாணவர்களுக்கு காலை உணவு திட்டத்தை விருதுநகர் மாவட்டத்திலேயே காரியாபட்டி ஊராட்சி ஒன்றியத்தில்தான் முதலில் தொடங்கப்பட்டது. அதன் பின்னர் மேலும் தொடர்ச்சியாக நேற்று நடுநிலைப்பள்ளி மாணவர்களுக்கும் காலை உணவு தொடங்கி வைக்கப்பட்டு உள்ளது.

இவ்வாறு அவர் கூறினார்.

இதில் காரியாபட்டி ஒன்றிய செயலாளர்கள் கண்ணன், செல்லம், காரியாபட்டி பேரூராட்சி தலைவர் செந்தில், மாவட்ட கவுன்சிலர் தங்கதமிழ்வாணன், பொதுக்குழு உறுப்பினர் சிவசக்தி, மாவட்ட பொருளாளர் வேலுச்சாமி மாவட்ட கலை இலக்கிய பிரிவு துணை அமைப்பாளர் வாலை முத்துச்சாமி, மாவட்ட விவசாய தொழிலாளர் அணி தலைவர் தங்கப்பாண்டியன், மாவட்ட பிரதிநிதி சங்கர பாண்டியன், காரியாபட்டி மேற்கு ஒன்றிய துணைச் செயலாளர் கீழ உப்பிலிக்குண்டு குருசாமி ஒன்றிய கவுன்சிலர்கள் சேகர், சிதம்பர பாரதி மற்றும் பலர் கலந்து கொண்டனர்.