ரூ.10 லட்சத்தில் புதிய பல்நோக்கு கட்டிடம்; எம்.எல்.ஏ. திறந்து வைத்தார்

இட்டமொழி:

இட்டமொழி அருகே உள்ள அழகப்பபுரத்தில் பொதுமக்கள் தமிழ்நாடு காங்கிரஸ் கட்சி பொருளாளர் ரூபி மனோகரன் எம்.எல்.ஏ.விடம் புதிய பல்நோக்கு கட்டிடம் கட்டித்தர கோரிக்கை வைத்தனர். அதனை ஏற்று சட்டமன்ற உறுப்பினர் தொகுதி மேம்பாட்டு நிதியில் இருந்து ரூ.9.95 லட்சம் மதிப்பில் புதிய பல்நோக்கு கட்டிடம் கட்டப்பட்டு, அதன் திறப்பு விழா நடைபெற்றது.

விழாவில் ரூபி மனோகரன் எம்.எல்.ஏ. கலந்து கொண்டு புதிய பல்நோக்கு கட்டிடத்தை 'ரிப்பன்' வெட்டி திறந்து வைத்து பேசினார். நிகழ்ச்சிக்கு அழகப்பபுரம் பஞ்சாயத்து தலைவர் த.ரமேஷ் முன்னிலை வகித்தார். விழாவில் தொகுதி பொறுப்பாளர் அழகியநம்பி, மாவட்ட துணைத்தலைவர் செல்லப்பாண்டி, வட்டார தலைவர் ராமஜெயம் உள்பட பலர் கலந்து கொண்டனர்.