தேசிய வலுதூக்கும் போட்டி தொடக்கம்

தமிழ்நாடு மாநில வலுதூக்கும் சங்கம் மற்றும் திருச்சி மாவட்ட வலுதூக்கும் சங்கம் சார்பில் தேசிய வலுதூக்கும் சாம்பியன்ஷிப் போட்டி-2023 திருச்சி திருவானைக்காவல் பகுதியில் நடைபெறுகிறது. 3 நாட்கள் நடைபெறும் இந்த போட்டியை ஸ்ரீரங்கம் தொகுதி எம்.எல்.ஏ. பழனியாண்டி, கல்லூரி முதல்வர் பிச்சுமணி ஆகியோர் நேற்று தொடங்கி வைத்தனர். இந்த போட்டியில் தமிழ்நாடு, கேரளா, ஆந்திரா, அசாம், மணிப்பூர், உத்தரபிரதேசம், சத்தீஷ்கார், மராட்டியம், உத்தரகாண்ட் உள்பட பல்வேறு மாநிலங்களில் இருந்து 500 வீரர்கள் மற்றும் 200 வீராங்கனைகள் கலந்து கொண்டனர். 53 கிலோ எடைபிரிவு முதல் 120 கிலோ எடை மற்றும் அதற்கு மேல் உள்ள எடைபிரிவு கொண்ட போட்டியாளர்கள் கலந்து கொண்டு, சப்-ஜூனியர், ஜூனியர், சீனியர், மாஸ்டர் என பல்வேறு பிரிவுகளில் போட்டிகள் நடத்தப்பட்டன. தேசிய நடுவர்கள் வெற்றியாளர்களை தேர்வு செய்கிறார்கள். போட்டியில் வெற்றி பெற்றவர்களுக்கு பரிசுக் கோப்பைகள் வழங்கப்பட உள்ளன.