விவசாய நிலங்களில் பிளாஸ்டிக் கழிவுகளை கொட்டிச் சென்ற மர்மநபர்கள்

பாவூர்சத்திரம்:

பாவூர்சத்திரம் அருகே பெத்தநாடார்பட்டி கிராமத்தில் இருந்து செல்லதாயார்புரம் செல்லும் சாலை ஓரம் அமைந்துள்ள விவசாய நிலங்களில் கேரளாவில் இருந்து மருத்துவ மற்றும் பிளாஸ்டிக் கழிவுகளை கொட்டிச் சென்றனர்.

அதுமட்டுமின்றி கழிவுகள் மீது அவ்வப்போது இரவில் தீ வைத்து எரித்து விடுகின்றனர். இதனால் அங்குள்ள பொதுமக்களுக்கும் சுவாச கோளாறு பிரச்சினைகள் ஏற்படுகிறது. எனவே அங்கு கொட்டப்பட்டுள்ள மருத்துவ கழிவுகளை உடனடியாக அகற்றவும், அதனை கொட்டிச் சென்ற மர்மநபர்கள் மீது நடவடிக்கை எடுக்க வேண்டும் எனவும் அப்பகுதி பொதுமக்கள் கோரிக்கை விடுத்துள்ளனர்.