சங்கரன்கோவில் நகராட்சி கூட்டம்

சங்கரன்கோவில்:

சங்கரன்கோவில் நகராட்சி கூட்டம் தலைவர் உமா மகேஸ்வரி சரவணன் தலைமையில் நடந்தது. ஆணையாளர் சபாநாயகம் முன்னிலை வகித்தார். இதில் மாநகராட்சி மேயர்கள், துணை மேயர்கள், மாமன்ற உறுப்பினர்கள் நகராட்சி தலைவர்கள், துணைத் தலைவர்கள், நகர்மன்ற உறுப்பினர்களுக்கு மதிப்பூதியம் வழங்க முதல்-அமைச்சர் உத்தரவிட்டதற்கும், இந்தியாவிலேயே முன்மாதிரி திட்டமான காலை உணவு திட்டத்தை அறிவித்ததற்கும் நன்றி தெரிவித்து தீர்மானங்கள் நிறைவேற்றப்பட்டது. தொடர்ந்து பல்வேறு அடிப்படை தேவைகள் குறித்து விவாதிக்கப்பட்டது. இதில் நகராட்சி துணைத் தலைவர் நகராட்சி கவுன்சிலர்கள், நகராட்சி பொறியாளர், சுகாதார ஆய்வாளர் உள்ளிட்டோர் கலந்து கொண்டனர்.