கார் மீது மோட்டார் சைக்கிள் மோதல்; முதியவர் பலி

திருமயம் அருகே ராமச்சந்திரபுரத்தை சேர்ந்தவர் கருப்பையா (வயது 60). இவர் மோட்டார் சைக்கிளில் திருமயம் கடைவீதிக்கு வந்து விட்டு வீட்டிற்கு சென்று கொண்டிருந்தார். மணவாளன்கரை அருகே வந்த போது, அந்த வழியாக வந்த கார் மீது மோட்டார் சைக்கிள் எதிர்பாராதவிதமாக மோதியது. இதில் படுகாயமடைந்த கருப்பையா சம்பவ இடத்திலேயே பரிதாபமாக உயிரிழந்தார். இதுகுறித்து திருமயம் போலீசார் வழக்குப்பதிவு செய்து விசாரணை நடத்தி வருகின்றனர்.