சைக்கிள் மீது மோட்டார் சைக்கிள் மோதி விபத்து - ஒருவர் உயிரிழப்பு

பல்லடம் அருகே உள்ள கள்ளகிணறு பகுதியியை சேர்ந்தவர் சுப்பிரமணி(வயது 61). இவர் மாதப்பூர் ஊராட்சியில் குடிநீர் விநியோகிப்பாளராக பணிபுரிந்து வருகிறார். இந்த நிலையில் நேற்று அவரது வீட்டிலிருந்து மாதப்பூர் ஊராட்சி அலுவலகம் செல்வதற்காக சைக்கிளில் பல்லடம் - தாராபுரம் நெடுஞ்சாலையை கடக்க முயன்றார்.

அப்போது அதி வேகமாக வந்த மோட்டார் பைக் இவரது சைக்கிள் மீது மோதி விபத்துக்கு உள்ளானது. இதில் தலையில் பலத்த காயம் அடைந்த அவரை அருகிலிருந்தவர்கள் மீட்டு பல்லடம் அரசு மருத்துவமனைக்கு அனுப்பிவைத்தனர. அங்கு அவர் முதலுதவி பெற்று கொண்டு மேல்சிகிச்சைக்காக கோவை தனியார் மருத்துவமனைக்கு அனுப்பி வைக்கப்பட்டார்.

இந்நிலையில் அங்கு தீவிர சிகிச்சை பெற்று வந்த நிலையில் நேற்று இரவு சிகிச்சை பலனின்றி உயிரிழந்தார். இந்த விபத்து குறித்து அவரது மகன் கொடுத்த புகாரின் பேரில் பல்லடம் போலீசார் வழக்கு பதிவு செய்து விசாரணை மேற்கொண்டு வருகின்றனர்.