பொட்டிரெட்டிபட்டியில் மின்சாரம் தாக்கி குரங்கு செத்தது

எருமப்பட்டி:

எருமப்பட்டி அருகே பொட்டிரெட்டிப்பட்டி மாரியம்மன் கோவில் அருகே நேற்று குரங்கு ஒன்று மின்கம்பத்தில் ஏறியது. இதையடுத்து மின்கம்பியில் குரங்கு சென்றபோது எதிர்பாராதவிதமாக 2 கம்பியில் தவறி விழுந்தது. இதில் மின்சாரம் தாக்கியதில் குரங்கு பரிதாபமாக செத்தது. இதை பார்த்த அப்பகுதி பொதுமக்கள் மின்வாரிய ஊழியர்களுக்கு தகவல் தெரிவித்தனர். அதன்பேரில் அங்கு சென்ற ஊழியர்கள் மின் இணைப்பை துண்டித்து விட்டு குரங்கின் உடலை இறக்கி கீழே கொண்டு வந்தனர். இந்த சம்பவத்தால் அப்பகுதியில் சிறிது நேரம் பரபரப்பு ஏற்பட்டது.