பெரியார் சிலைக்கு அமைச்சர் அனிதா ராதாகிருஷ்ணன் மரியாதை

தூத்துக்குடியில் பெரியார் பிறந்தநாள் விழா கொண்டாடப்பட்டது. இதையொட்டி அவரது உருவப்படத்துக்கு அமைச்சர் அனிதா ராதாகிருஷ்ணன் மாலை அணிவித்து மரியாதை செலுத்தினார்.

பிறந்தநாள் விழா

தூத்துக்குடியில் பெரியார் 144-வது பிறந்தநாளை முன்னிட்டு நேற்று தெற்கு மாவட்ட தி.மு.க. அலுவலகத்தில் அலங்கரித்து வைக்கப்பட்ட பெரியாரின் உருவ படத்திற்கு தெற்கு மாவட்ட தி.மு.க. பொறுப்பாளரும், மீன்வளம் மற்றும் கால்நடை பராமரிப்புத்துறை அமைச்சருமான அனிதா ஆர்.ராதாகிருஷ்ணன் மாலை அணிவித்து மரியாதை செய்தார்.

நிகழ்ச்சியில் சண்முகையா எம்.எல்.ஏ, மாநில மாணவரணி துணைச்செயலாளர் உமரிசங்கர், மாவட்ட அவைத்தலைவர் அருணாச்சலம், துணைச்செயலாளர்ஆறுமுகபெருமாள், இளைஞர் அணி அமைப்பாளர் ராமஜெயம் உள்பட பலர் கலந்து கொண்டனர்.

மார்க்கண்டேயன் எம்.எல்.ஏ.

விளாத்திகுளம் அருகே உள்ள நாகலாபுரம் சமத்துவபுரத்தில் நடந்த விழாவுக்கு, புதூர் மத்திய ஒன்றிய தி.மு.க செயலாளர் ராதாகிருஷ்ணன் தலைமை தாங்கினார். புதூர் மேற்கு ஒன்றிய தி.மு.க செயலாளர் மும்மூர்த்தி முன்னிலை வகித்தார். நிகழ்ச்சியில் மார்க்கண்டேயன் எம்.எல்.ஏ. பெரியார் உருவ சிலைக்கு மாலை அணிவித்து மரியாதை செலுத்தினார். நிகழ்ச்சியில் புதூர் தி.மு.க மேற்கு ஒன்றிய ஆதிதிராவிடர் நல அணி அமைப்பாளர் கணேச பாண்டியன், நாகலாபுரம் கிளைச் செயலாளர் செந்தில்ராஜ், இளைஞர் அணி பொறுப்பாளர் ஸ்ரீதர் உள்பட பலர் கலந்து கொண்டனர்.

எட்டயபுரத்தில் பட்டத்து விநாயகர் கோவில் முன்பு நடந்த விழாவுக்கு கோவில்பட்டி ஒன்றிய செயலாளர் நவநீதக்கண்ணன் தலைமை தாங்கினார். எட்டயபுரம் நகர செயலாளர் பாரதி கணேசன் முன்னிலை வகித்தார். மூத்த உறுப்பினர் நாராயணன், பெரியாரின் உருவப்படத்திற்கு மாலை அணிவித்து மரியாதை செலுத்தினார். நிகழ்ச்சியில் தி.மு.க அவை தலைவர் ராமச்சந்திரன், நகர துணைச் செயலாளர் மாரியப்பன், செயலாளர்கள் பிச்சை, ஈராட்சி கிளைச் செயலாளர் சொர்ணமுத்து உள்பட பலர் கலந்து கொண்டனர்.

குலசேகரன்பட்டினம்

தூத்துக்குடி தெற்கு மாவட்ட விடுதலைச் சிறுத்தைகள் கட்சியின் சமூக நல்லிணக்கப் பேரவை சார்பில் குலசேகரன்பட்டினத்தில் போலீஸ் நிலையம் முன்புள்ள திடலில் பெரியார் உருவப்படத்திற்கு மாவட்ட அமைப்பாளர் மு.தமிழ்ப்பரிதி தலைமையில் மாலை அணிவித்து மரியாதை செலுத்தப்பட்டது. பின்னர் பொதுமக்களுக்கு இனிப்புகள் வழங்கப்பட்டது.

நிகழ்ச்சியில் விடுதலைச் சிறுத்தைகள் கட்சியின் உடன்குடி ஒன்றிய பொருளாளர் டேவிட் ஜான்வளவன், செய்தி தொடர்பு மையத்தின் மாவட்ட அமைப்பாளர் வேம்படிமுத்து உள்ளிட்ட பலர் கலந்துகொண்டனர்.

உடன்குடி

உடன்குடி பரமன்குறிச்சி சமத்துவபுரத்தில் பெரியார் சிலைக்கு கிழக்கு ஒன்றிய செயலாளர் இளங்கோ தலைமையில் மாலை அணிவிக்கப்பட்டது. உடன்குடி யூனியன் தலைவர் பாலசிங், மாவட்ட பஞ்சாயத்து கவுன்சிலர் ஜெசி பொன்ராணி, நகர செயலாளர் மால் ராஜேஷ், மாவட்ட வர்த்தக பிரிவு துணை செயலாளர் ரவி ராஜா, மருதூர்கரை கவுன்சிலர் முத்துராமலிங்கம், மாவட்ட பிரதிநிதி ஜெயபிரகாஸ், ஒன்றிய இளைஞர் அணி செயலாளர் மனோஜ், உடன்குடி முன்னாள் நகர செயலாளர் கவுன்சிலர் ஜான்பாஸ்கர், மாவட்ட பிரதிநிதி மதன், நெசவாளர் அணி மாவட்ட செயலாளர் மகா விஷ்ணு, உடன்குடி வார்டு செயலாளர்கள் அஜயிப், சுபியான், மாவட்ட பிரதிநிதி முபாரக், இஜாஸ், ஒன்றிய இளைஞர் அணி செயலாளர் பாய்ஸ், பாலாஜி, ஆபீத் தமீம் அன்சார், உடன்குடி நகர பொருளாளர் தங்கம், ஒன்றிய பிரதிநிதி நிர்மல் மற்றும் கழக நிர்வாகிகள் பலர் கலந்து கொண்டனர்.