மருத்துவ தின கொண்டாட்டம்

கடையநல்லூர்:

கடையநல்லூர் அருகே உள்ள வடகரை ஜாய் மெட்ரிக் மேல்நிலைப் பள்ளி மாணவ, மாணவிகள் சார்பில் தென்காசி அரசு அரசு தலைமை மருத்துவமனையில் மருத்துவக் குழுவின் தலைவர் டாக்டர் ஜெஸ்லின் தலைமையில் மருத்துவ தினம் கேக் வெட்டி கொண்டாடப்பட்டது.

நிகழ்ச்சியில் ஜாய் பள்ளியின் இயக்குனர் அகஸ்டின் ஜோசப் தலைமையில் மாணவ-மாணவிகள் மருத்துவர்களுடன் இணைந்து ஆஸ்பத்திரி வளாகத்தில் 100 மரக்கன்றுகளை நட்டனர். வரும் காலங்களில் அவர்கள் நட்டு வைத்த மரக்கன்றுகளை அவர்களே பராமரித்து தருவதாக மாணவ-மாணவிகள் உறுதிமொழி எடுத்தனர்.

விழாவில் ஜாய் பள்ளி தாளாளர் சாலமோன், செயலாளர் ஜெயா சாலமோன், முதல்வர் ஜோதி, துணை முதல்வர் கார்த்திகை கணபதி மற்றும் ஆசிரியர்கள் கலந்து கொண்டனர்.