மருத்துவ பரிசோதனை முகாம்

புளியங்குடி:

புளியங்குடி அருகே உள்ள புன்னையாபுரம் பெட்ரோல் பங்கில் இந்தியன் ஆயில் கார்ப்பரேஷன் சார்பில் இலவச மருத்துவ பரிசோதனை முகாம் நடைபெற்றது. முகாமிற்கு இந்தியன் ஆயில் விற்பனை மேலாளர் சதீஷ் தலைமை தாங்கினார். டாக்டர் ஹேமா மேரி முன்னிலை வகித்தார். முகாமில் மீனாட்சி மிஷின் மருத்துவ குழுவினர் பொது மக்கள் மற்றும் வாடிக்கையாளர்களுக்கு மருத்துவ பரிசோதனை செய்தனர். முகாமில் சர்க்கரை நோய், ரத்த அழுத்தம், இசிஜி மற்றும் கண் பரிசோதனை செய்யப்பட்டு மருத்துவ ஆலோசனை வழங்கப்பட்டது. முகாமில் ஏராளமான பொதுமக்கள் மற்றும் வாடிக்கையாளர்கள் கலந்து கொண்டனர். முடிவில் செல்வ மேரி ஜீன்ஸ் நன்றி கூறினார்.