மெக்கானிக் தற்கொலை

ராயக்கோட்டை

கெலமங்கலம் அண்ணா நகரை சேர்ந்தவர் முரளி (வயது 42.) இருசக்கர வாகன மெக்கானிக். இவருடைய மனைவி சசிகலா. இவர்களுக்கு 2 குழந்தைகள் உள்ளனர். உடல் நலம் பாதிக்கப்பட்டிருந்த முரளி வேலைக்கு செல்லாமல் இருந்து வந்தார். இதனால் இவருடைய மனைவி குழந்தைகளை அழைத்து கொண்டு பெங்களூருவுக்கு சென்று விட்டார். இதனால் மனமுடைந்து காணப்பட்ட முரளி வீட்டில் தூக்குப்போட்டு தற்கொலை செய்து கொண்டார். இதுகுறித்து கெலமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.