திரவுபதி அம்மன் கோவில் பூக்குழி திருவிழாவில் மாங்கனி பறித்தல் நிகழ்ச்சி

சிவகிரி:

சிவகிரி திரவுபதி அம்மன் கோவிலில் பூக்குழி திருவிழா கடந்த 27-ந் தேதி கொடியேற்றத்துடன் தொடங்கியது. விழா நாட்களில் தினமும் இரவு அம்மன், கிருஷ்ணன், அர்ச்சுனன் ஆகிய சுவாமிகள் அலங்கரிக்கப்பட்டு சப்பரத்தில் வீதி உலா காட்சி நடைபெற்று வருகிறது. 4-ந் திருநாளான நேற்று கீரைக் கடை சந்திப்பு பகுதியில் வைத்து மகாபாரதத்தில் உள்ள காட்சியினைப் போல மாங்கனி பறித்தல் நிகழ்ச்சி நடைபெற்றது. இரவு 10 மணிக்கு அம்மன், கிருஷ்ணன், அர்ச்சுனன் சப்பரத்தில் எழுந்தருளி வீதி உலா நடைபெற்றது.