பராமரிப்பு பணி: சென்னை-கோவை எக்ஸ்பிரஸ் ரெயில்கள் பகுதி நேர ரத்து

சென்னை,

பராமரிப்பு பணி காரணமாக சில எக்ஸ்பிரஸ் ரெயில்கள் பகுதி நேரமாக ரத்து செய்யப்படுகிறது. அதன்படி, பெங்களூருவில் இருந்து காலை 6.25 மணிக்கு புறப்பட்டு, சென்னை சென்ட்ரல் வரும் லால்பாக் எக்ஸ்பிரஸ் ரெயில் (வண்டி எண்-12608) வருகிற 17 மற்றும் 24-ந் தேதிகளில் காட்பாடி-சென்னை சென்ட்ரல் இடையே பகுதி நேரமாக ரத்து செய்யப்படுகிறது. சென்னை சென்ட்ரலில் இருந்து மதியம் 1.35 மணிக்கு புறப்பட்டு, மைசூரு செல்லும் எக்ஸ்பிரஸ் ரெயில் (12609) வருகிற 17 மற்றும் 24-ந் தேதிகளில் சென்னை சென்ட்ரல்-காட்பாடி இடையே பகுதி நேரமாக ரத்து செய்யப்படுகிறது.

கோவையில் இருந்து காலை 6.20 மணிக்கு புறப்பட்டு, சென்னை சென்ட்ரல் வரும் எக்ஸ்பிரஸ் ரெயில் (12680) வருகிற 17, 24, 30 ஆகிய தேதிகளில் காட்பாடி-சென்னை சென்ட்ரல் இடையே பகுதி நேரமாக ரத்து செய்யப்படுகிறது. அதே தேதிகளில், மறுமார்க்கமாக சென்னை சென்ட்ரலில் இருந்து மதியம் 2.35 மணிக்கு புறப்பட்டு, கோவை செல்லும் எக்ஸ்பிரஸ் ரெயில் (12679) சென்னை சென்ட்ரல்-காட்பாடி இடையே பகுதி நேரமாக ரத்து செய்யப்படுகிறது.

மைசூருவில் இருந்து காலை 5 மணிக்கு புறப்பட்டு, சென்னை சென்ட்ரல் வரும் எக்ஸ்பிரஸ் ரெயில் (12610) வருகிற 30-ந் தேதி காட்பாடி-சென்னை சென்ட்ரல் இடையே பகுதி நேரமாக ரத்து செய்யப்படுகிறது. சென்னை சென்ட்ரலில் இருந்து மாலை 3.30 மணிக்கு புறப்பட்டு, பெங்களூரு செல்லும் லால்பாக் எக்ஸ்பிரஸ் ரெயில் (12607) வருகிற 30-ந் தேதி சென்னை சென்ட்ரல்-காட்பாடி இடையே பகுதி நேரமாக ரத்து செய்யப்படுவதாக தெற்கு ரெயில்வே அறிவித்துள்ளது.