கண்காணிப்பு கேமராக்கள் பராமரிப்பு பணி நடந்தது

வேலூர் கோட்டைக்கு தினமும் ஏராளமான சுற்றுலா பயணிகள் வருகை தருகின்றனர். மேலும் அங்குள்ள கோவிலுக்கும் ஏராளமான பக்தர்கள் செல்கின்றனர். இதனால் வேலூர் கோட்டை பகுதி மக்கள் கூட்டமாக காணப்படும்.

அதிக மக்கள் வந்து செல்லும் இடம் என்பதால் குற்ற செயல்களை தடுக்க, பாதுகாப்புக்காக கோட்டை நுழைவு வாயில், காந்தி சிலை, கோட்டையின் உள்ளே என பல்வேறு இடங்களில் கண்காணிப்பு கேமராக்கள் பொருத்தப்பட்டுள்ளன. இந்த கேமராக்கள் பல பயன்பாட்டில் இல்லை என்று புகார்கள் எழுந்தது. சில கேமராக்கள் சாய்ந்தும், திசை மாறியும் கிடந்தது. பல இடங்களில் மரக்கிளைகள் மறைத்திருந்தன. இதனால் கண்காணிப்பு கேமராக்களால் முழுமையாக காட்சிகள் பதிவு செய்யப்படாமல் இருந்தது.

இந்த நிலையில் அந்த கண்காணிப்பு கேமராக்கள் சரிசெய்யும் பணி நேற்று நடந்தது. இதையொட்டி கண்காணிப்பு கேமராக்கள் அருகே இருந்த மரக்கிளைகள் வெட்டி அகற்றப்பட்டன.