கால்நடை விழிப்புணர்வு முகாம்

வாசுதேவநல்லூர்:

தென்காசி மாவட்ட கால்நடை பராமரிப்பு துறை சார்பில் சிறப்பு கால்நடை மற்றும் விழிப்புணர்வு முகாம் வாசுதேவநல்லூர் யூனியன் தலைவன்கோட்டை ஊராட்சியில் நடந்தது. இந்த முகாமிற்கு நெல்லை கால்நடை பராமரிப்புத்துறை மண்டல இணை இயக்குனர் பொன்னுவேல் தலைமை தாங்கினார். தலைவன்கோட்டை ஊராட்சி மன்ற தலைவர் சர்மிளா வேலுச்சாமி முன்னிலை வைத்தார். கூட்டுறவு கடன் சங்க தலைவரும், வாசுதேவநல்லூர் ஊராட்சி ஒன்றிய கவுன்சிலருமான எம்.விஜயபாண்டியன் முகாமை தொடங்கி வைத்தார். நெல்லை நோய் புலனாய்வு பிரிவு உதவி இயக்குனர் ஜான்சுபாஷ் விளக்கி பேசினார். இந்த முகாமில் சிந்தாமணி கால்நடை ஆய்வாளர் ஹாஜரா, முள்ளிக்குளம் கால்நடை பராமரிப்பு உதவியாளர் சண்முகத்தாய், மருத்துவ குழுவினர் கலந்து கொண்டனர். முடிவில் கால்நடை உதவி மருத்துவர் கருப்பையா நன்றி கூறினார்.