அந்தியூர் சந்தையில் நாட்டு பசு மாடு ரூ.60 ஆயிரத்துக்கு விற்பனை

அந்தியூர்

அந்தியூர் சந்தையில் நாட்டு பசு மாடு ஒன்று ரூ.60 ஆயிரத்துக்கு விற்பனையானது.

நாட்டு பசு மாடு

அந்தியூர் கால்நடைச் சந்தை நேற்று கூடியது. இதற்கு தர்மபுரி, மேச்சேரி, மேட்டூர், கொளத்தூர், பண்ணவாடி, பர்கூர் உள்பட பல்வேறு பகுதிகளில் இருந்து நூற்றுக்கணக்கான கால்நடைகள் கொண்டு வரப்பட்டன.

இதில் நாட்டு பசு மாடு ஒன்று குறைந்தபட்ச விலையாக ரூ.40 ஆயிரத்துக்கும், அதிகபட்ச விலையாக ரூ.60 ஆயிரத்துக்கும், கொங்கு பசுமாடு ஜோடி குறைந்தபட்சம் ரூ.75 ஆயிரத்துக்கும், அதிகபட்சம் ரூ.1லட்சத்து 20 ஆயிரத்துக்கும், காங்கேயம் பசுமாடு ஜோடி குறைந்தபட்சம் ரூ.80 ஆயிரத்திற்கும், அதிகபட்சம் ரூ.1லட்சத்து 50 ஆயிரத்திற்கும் விற்பனை ஆனது.

எருமை மாடு

ஜெர்சி இன பசுமாடு ஒன்று குறைந்தபட்சம் ரூ.20 ஆயிரத்துக்கும், அதிகபட்சம் ரூ.40 ஆயிரத்துக்கும், சிந்து பசு மாடு ஒன்று குறைந்தபட்சம் ரூ.15 ஆயிரத்திற்கும், அதிகபட்சம் ரூ.35 ஆயிரத்திற்கும், எருமை மாடு ஒன்று குறைந்தபட்சம் ரூ.35 ஆயிரத்திற்கும், அதிகபட்சம் ரூ.65 ஆயிரத்திற்கும், பர்கூர் இன பசுமாடு ஒன்று குறைந்தபட்சம் ரூ.15 ஆயிரத்திற்கும், அதிகபட்சம் ரூ.30 ஆயிரத்திற்கும் விலை போனது.

பர்கூர் இன காளைமாடு ஜோடி குறைந்தபட்சம் ரூ.25 ஆயிரத்திற்கும், அதிகபட்சம் ரூ.50ஆயிரத்திற்கும், கன்றுக்குட்டி ஒன்று குறைந்தபட்சம் ரூ.5 ஆயிரத்திற்கும், அதிகபட்சம் ரூ.15 ஆயிரத்திற்கும் விற்பனை செய்யப்பட்டன. ஈரோடு மாவட்டம் மற்றும் பல்வேறு மாவட்டங்களில் இருந்து வந்த வியாபாரிகள் கால்நடைகளை விலை பேசி பிடித்துச் சென்றனர்.