விடுதலை சிறுத்தைகள் கட்சியின் ஆலோசனை கூட்டம்

தென்காசி தெற்கு மாவட்ட விடுதலை சிறுத்தைகள் கட்சியின் ஆலோசனைக் கூட்டம் தென்காசியில் நடைபெற்றது. கூட்டத்திற்கு மாவட்ட செயலாளர் பண்பொழி செல்வம் தலைமை தாங்கினார். மண்டல துணைச் செயலாளர் சித்திக், நிர்வாகிகள் குழந்தை வள்ளுவன், ஆஷிக் உசேன் ஆகியோர் முன்னிலை வகித்தனர். மாவட்ட செய்தி தொடர்பாளர் சந்திரன் வரவேற்றார். சிறப்பு அழைப்பாளராக மண்டல செயலாளர் முரசு தமிழப்பன் கலந்துகொண்டு பேசினார். கூட்டத்தில் கலந்து கொண்ட புதிய நிர்வாகிகள் தங்களை அறிமுகம் செய்து பேசினர். கூட்டத்தில் வருகிற 17-ந் தேதி திருமாவளவன் பிறந்த நாளை சிறப்பாக கொண்டாடுவது என்றும், அனைத்து ஒன்றிய, நகர, பேரூர் பகுதிகளில் புதிய கொடிக்கம்பம் அமைத்து கொடியேற்றுவது என்றும், ஒன்றிய, நகர வாரியாக நலத்திட்ட உதவிகள் வழங்குவது என்றும் தீர்மானம் நிறைவேற்றப்பட்டது.