கருணாநிதி பிறந்தநாள் விழா

புளியங்குடி:

புளியங்குடி டி.என்.புதுக்குடி காமராஜர் சிலை அருகில் கருணாநிதி பிறந்தநாள் விழா கொண்டாடப்பட்டது. நகரசபை தலைவி விஜயா சவுந்திரபாண்டியன் தலைமை தாங்கினார். கருணாநிதி உருவப்படத்திற்கு கட்சி நிர்வாகிகள் ராஜ்காந்த், பிச்சையா, ராஜாமணி, நகராட்சி கவுன்சிலர் பாலசுப்பிரமணியன் உள்ளிட்டோர் மாலை அணிவித்து மரியாதை செலுத்தினர். பின்னர் பல்வேறு இடங்களில் கட்சி கொடிகளை ஏற்றி பொதுமக்களுக்கு இனிப்பு வழங்கினர்.

புளியங்குடி பஸ்நிலையம் அருகில் நடைபெற்ற விழாவிற்கு நகரசபை துணைத்தலைவர் அந்தோணிசாமி தலைமை தாங்கினார். முன்னாள் நகரசபை தலைவர் வெங்கட்ராமன், முன்னாள் நகர செயலாளர் வேல்சாமி பாண்டியன், நகரசபை கவுன்சிலர் பொன்னு துரைச்சி ஆகியோர் முன்னிலை வகித்தனர். மாவட்ட செயலாளர் செல்லதுரை கலந்து கொண்டு கருணாநிதி உருவப்படத்துக்கு மாலை அணிவித்து மரியாதை செலுத்தினார். தொடர்ந்து அரசு ஆஸ்பத்திரியில் பிறந்த குழந்தைகளுக்கு தங்க மோதிரமும், உள்நோயாளிகளுக்கு பால், ரொட்டி ஆகியவற்றை வழங்கினார். பின்னர் புளியங்குடி, டி.என்.புதுக்குடி, சிந்தாமணி பகுதிகளில் கட்சி கொடி ஏற்றி வைத்தார்.

புளியங்குடி காந்தி பஜார் பகுதியில் நடைபெற்ற விழாவுக்கு மாவட்ட சிறுபான்மை பிரிவு அமைப்பாளர் பத்திரம் சாகுல் ஹமீது தலைமை தாங்கினார். கட்சி கொடி ஏற்றிவைத்து அனைவருக்கும் இனிப்பு வழங்கப்பட்டது. மாவட்ட வக்கீல் அணி துணை அமைப்பாளர் பொன்ராஜ், க.சுப்பு உள்ளிட்ட பலர் கலந்து கொண்டனர்.