ஆய்க்குடி அமர்சேவா சங்கத்தில் சுதந்திர தினவிழா

தென்காசி அருகே ஆய்க்குடி அமர்சேவா சங்க வளாகத்தில் இயங்கி வரும் சிவ சரஸ்வதி வித்யாலயா மேல்நிலைப்பள்ளியில் சுதந்திர தின விழா கொண்டாடப்பட்டது. பள்ளி நிர்வாகியும் அமர்சேவா சங்க செயலாளருமான சங்கரராமன் தலைமை தாங்கினார். தலைமை ஆசிரியை பார்வதி வரவேற்றார். செந்திலாண்டவர் பாலிடெக்னிக் கல்லூரி தலைவர் புதிய பாஸ்கர் தேசிய கொடி ஏற்றினார். சென்னை உதவிக்கரம் மாற்றுத்திறனாளிகள் நல சங்க மாநிலத் தலைவர் வரத குட்டி சிறப்பு அழைப்பாளராக கலந்துகொண்டு பேசினார். அமர்சேவா சங்கத் தலைவர் ராமகிருஷ்ணன், செந்திலாண்டவர் பாலிடெக்னிக் கல்லூரி தாளாளர் கல்யாணி, பள்ளியின் தாளாளர் பட்டம்மாள் ஆகியோர் வாழ்த்தி பேசினார்கள். மாணவர்களின் கலை நிகழ்ச்சிகள் நடைபெற்றன. தொடக்கப்பள்ளி தலைமை ஆசிரியை அழகு பூரணம் நன்றி கூறினார்.