தஞ்சையில், இந்து மக்கள் கட்சியினர் சாலை மறியல்

தஞ்சையில் இந்து மக்கள் கட்சி சார்பில், தமிழகத்துக்கு வருகை தந்துள்ள காங்கிரஸ் கட்சியின் முன்னாள் தலைவர் ராகுல் காந்தியே திரும்பி போ என்ற முழக்கங்களை எழுப்பி ரெயில் நிலையம் அருகே போராட்டத்தில் ஈடுபட்டனர்.

இந்த போராட்டங்களுக்கு இந்து மக்கள் கட்சியின் மாநில இளைஞரணி பொதுச் செயலாளர் கார்த்திக்ராவ் தலைமை தாங்கினார். மாவட்ட தலைவர் சுகுமார், மாவட்டச் செயலாளர் கார்த்தி ஆகியோர் முன்னிலை வகித்தனர்.

அப்போது அவர்கள் கருப்பு பலூன்களை பறக்க விட முயன்றனர். இந்த பலூன்களை அங்கு பாதுகாப்பு பணியில் ஈடுபட்டு இருந்த போலீசார் பறித்ததால் அவர்கள் திடீரென சாலை மறியலில் ஈடுபட்டனர். மேலும், ராகுல் காந்தி உருவ பொம்மையை எரிக்கவும் முயன்றனர். அதனையும் போலீசார் பறிமுதல் செய்தனர். இந்த போராட்டங்களில் ஈடுபட்ட 9 பேரை போலீசார் நேற்று கைது செய்தனர்.