அந்தியூரில் ரூ.3½ லட்சத்துக்கு வெற்றிலை விற்பனை

அந்தியூர் வார சந்தையில் வெற்றிலை விற்பனை நடைபெற்றது. இந்த சந்தைக்கு அந்தியூர், காட்டுப்பாளையம், வெள்ளியம்பாளையம், பிரம்மதேசம், வேம்பத்தி, சந்தியபாளையம், ஆப்பக்கூடல், அத்தாணி உள்பட பல்வேறு பகுதிகளில் இருந்து ஏராளமான விவசாயிகள் வெற்றிலைகளை விற்பனைக்காக கொண்டு வந்தனர். வெற்றிலை கட்டுகளாக விற்கப்பட்டன. ஒரு கட்டில் 100 வெற்றிலைகள் இருக்கும்

ராசி வெற்றிலை கட்டு ஒன்று குறைந்தபட்ச விலையாக ரூ.100-க்கும், அதிகபட்ச விலையாக ரூ.130-க்கும், பீடா வெற்றிலை குறைந்தபட்ச விலையாக ரூ.40-க்கும், அதிகபட்ச விலையாக ரூ.60-க்கும் என மொத்தம் ரூ.3 லட்சத்து 50 ஆயிரத்துக்கு ஏலம் போனது.

ஈரோடு, சத்தியமங்கலம், திருப்பூர், கோவை, மேட்டூர் உள்பட பல்வேறு பகுதிகளில் இருந்து வியாபாரிகள் இங்கு வந்து வெற்றிலைகளை வாங்கி சென்றனர்.