உடும்பு வேட்டையாடியவர் கைது

களக்காடு:

களக்காடு வனப்பகுதியில் உடும்பு உள்ளிட்ட வனவிலங்குகள் தொடர்ந்து வேட்டையாடப்படுவதாக வனத்துறைக்கு தகவல் கிடைத்தது. இதையடுத்து களக்காடு துணை இயக்குனர் ராமேஸ்வரன் உத்தரவின் பேரில் திருகுறுங்குடி வனச்சரக அலுவலர் மகேஸ்வரன் தலைமையில் வனவர் முத்தையா, வனக்காப்பாளர் பரமசிவன், வனக்காவலர் அண்ணாதுரை உள்ளிட்டோர் களக்காடு மலையடிபுதூர் பகுதியில் ரோந்து சென்றனர். அப்போது உடும்பு வேட்டையாடி இறைச்சிக்காக வைத்திருந்ததாக, நாங்குநேரி அருகே உள்ள கீழச்சாலைப்புதூரை சேர்ந்த கோபால் (வயது 42) என்பவரை போலீசார் கைது செய்தனர்.