பரிசுத்த திரித்துவ ஆலய பிரதிஷ்டை விழா

கடையம்:

கடையம் அருகே மேட்டூர் சி.எஸ்.ஐ. பரிசுத்த திரித்துவ ஆலய பிரதிஷ்டை விழா கடந்த 2-ந்தேதி தொடங்கியது. அன்று மாலையில் ஆயத்த ஆராதனை நடைபெற்றது. இதில் செங்கோட்டை சேகர தலைவர் கலந்துகொண்டு தேவசெய்தி அளித்தார். இரவில் ஞாயிறு பாடசாலை மாணவர்களின் கலைநிகழ்ச்சி நடந்தது. நேற்று முன்தினம் காலையில் சேகர அளவிலான பெண்கள் பண்டிகை நடைபெற்றது. இதில் அருள் ஷோபா குழுவினர் கலந்து கொண்டு பண்டிகையை நடத்தினர்.

நேற்று காலை 9 மணிக்கு பண்டிகை ஆராதனை நடந்தது. இந்திய மிஷனரி சங்க தேசிய பணித்தள ஒருங்கிணைப்பாளர் குரு இம்மானுவேல் பால் தேவசெய்தி வழங்கினார். தொடர்ந்து ஐக்கிய விருந்து நடைபெற்றது.

விழாவில் ஆலங்குளம் சட்டமன்ற உறுப்பினர் மனோஜ் பாண்டியன், சேகர தலைவர் கிங்ஸ்லி ஜான் ஸ்டீபன், கவுரவ குரு லதா கிங்ஸ்லி, குருவானவர்கள் சில்வான்ஸ், ராபர்ட், ஜெயமணி, மேட்டூர் சேகர குரு ஜோயல் ஷாம் மெர்வின், கடையம் வடக்கு ஒன்றிய தி.மு.க. செயலாளர் மகேஷ் மாயவன், சேகர செயலாளர் செல்வராஜ், திருமண்டல பெருமன்ற உறுப்பினர்கள் டேவிட் செல்வராஜ், சிம்சோன் தேவதாசன் மற்றும் சேகர கமிட்டி உறுப்பினர்கள் உள்பட திரளானவர்கள் கலந்து கொண்டனர்.