புனித ஆரோக்கிய மாதா ஆலய 32-ம் ஆண்டு விழா

விழுப்புரம்,

விழுப்புரம் ரெயிலடியில் உள்ள புனித ஆரோக்கிய மாதா தேவாலயத்தின் 32-ம் ஆண்டு விழா நடைபெற்றது. விழாவையொட்டி இறைவனுக்கு நன்றி செலுத்தும் விதமாக திருப்பலி நடந்தது. இந்த திருப்பலி நிகழ்ச்சியில் எம்மாவூஸ் ஆன்மிக மைய இணை இயக்குனர் மரியடெல்லஸ், புனித சவேரியர் ஆலய பங்கு தந்தை ஆல்பர்ட் பெலிக்ஸ், கிறிஸ்து அரசர் ஆலய புனித பங்கு தந்தை பிரேம்குமார் ஆகியோர் திருப்பலி நிகழ்த்தி கிறிஸ்தவ மக்கள் அனைவருக்கும் ஆசிர்வாதம் வழங்கினர். அதனை தொடர்ந்து நடந்த சிறப்பு பிரார்த்தனையில் ரெயில்வே அதிகாரிகள், பணியாளர்கள், பயணிகள், பொதுமக்கள் பலர் கலந்துகொண்டு வழிபாடு நடத்தினர். இதற்கான ஏற்பாட்டை ஆலய நிர்வாகிகள், உபயதாரர்கள் செய்திருந்தனர்.