உடையார்பாளையம் பகுதியில் பலத்த மழை

உடையார்பாளையம்:

அரியலூர் மாவட்டம், உடையார்பாளையம் பகுதியில் பகுதியில் கடந்த 4 நாட்களாக வெயிலின் தாக்கம் அதிகமாக இருந்து வந்தது. இந்நிலையில் நேற்று மதியம் வெயிலின் தாக்கம் குறைந்து, வானில் கருமேகங்கள் சூழ்ந்து குளிர்ந்த காற்று வீசத் தொடங்கியது. பின்னர் இடியுடன் பலத்த மழை பெய்தது. இதில் உடையார்பாளையம், கழுமங்கலம், முணியத்தரியான்பட்டி, கச்சிப்பெருமாள், துலாரங்குறிச்சி, சூசையப்பர்பட்டிணம், இடையார், ஏந்தல், வானத்திரியான்பட்டிணம், ஒக்கநத்தம், பிலிச்சிக்குழி, காடுவெட்டாங்குறிச்சி, சோழங்குறிச்சி, பருக்கல், வெண்மான்கொண்டான், சுத்தமல்லி, ஆதிச்சனூர், நாச்சியார்பேட்டை உள்ளிட்ட கிராமங்களில் மழை பெய்தது. இந்த மழையால் மாலை 6 மணி முதல் இரவு 9 மணி வரை மின்சாரம் தடைபட்டது. இதனால் பொதுமக்கள் அவதிப்பட்டனர். இருப்பினும் இந்த மழை விவசாயிகள் மற்றும் பொதுமக்களுக்கு மகிழ்ச்சியை ஏற்படுத்தியுள்ளது.