வேப்பனப்பள்ளி பகுதியில் கனமழை

வேப்பனப்பள்ளி:

வேப்பனப்பள்ளி சுற்றுவட்டார பகுதிகளில் நேற்று காலை முதலே வானம் மேக மூட்டத்துடன் காணப்பட்டது. மாலை 4 மணிக்கு திடீரென கனமழை கொட்டியது. வேப்பனப்பள்ளி, நாச்சிகுப்பம், நேரலகிரி, தீர்த்தம், சிங்கிரிப்பள்ளி, நெடுஞ்சாலை உள்ளிட்ட பகுதிகளில் கனமழை பெய்தது. இதனால் மழைநீர் சாலைகளில் பெருக்கெடுத்து ஓடி தாழ்வான பகுதிகளில் தேங்கி நின்றது. நீண்ட நாட்களுக்கு பிறகு கனமழை பெய்ததால் பொதுமக்கள் மகிழ்ச்சி அடைந்தனர்.