`ஹேப்பி ஸ்ட்ரீட்' கொண்டாட்ட நிகழ்ச்சி

போலீசார் மற்றும் பொதுமக்களிடையே நல்லுறவை வளர்க்கும் வகையில் சென்னை, கோவை பெரு மாநகரங்களில் 'ஹேப்பி ஸ்ட்ரீட்' (மகிழ்ச்சி தெரு) என்ற கொண்டாட்ட நிகழ்ச்சி ஞாயிற்றுக்கிழமை தோறும் நடத்தப்பட்டு வருகிறது. அதனை தொடர்ந்து பெரம்பலூர் நகரில் மாவட்ட போலீசார் சார்பில் ஹேப்பி ஸ்ட்ரீட் கொண்டாட்ட நிகழ்ச்சி நேற்று மாலை நடத்தப்பட்டது. பெரம்பலூர் வெங்கடேசபுரம் சாலையில் நடந்த 'ஹேப்பி ஸ்ட்ரீட்' கொண்டாட்ட நிகழ்ச்சிக்கு மாவட்ட போலீஸ் சூப்பிரண்டு ஷ்யாம்ளா தேவி தலைமை தாங்கி, நிகழ்ச்சியை தொடங்கி வைத்தார். இதில் போலீசார், சிறியவர்கள் முதல் பெரியவர்கள் வரை ஆர்வத்துடன் கலந்து கொண்டனர். மேலும், அவர்கள் பாடலுக்கு ஏற்ப உற்சாகமாய் நடனமாடி தங்கள் மகிழ்ச்சியை வெளிப்படுத்தினர். மேலும் இளைஞர்களின் தப்பாட்டம், ஊர்க்காவல் படையினர் பேண்டு வாத்தியம் முழங்க, பள்ளி மாணவ-மாணவிகளின் சிலம்பாட்டம் நடந்தது. மேலும் ஓவியப் போட்டி, விளையாட்டு போட்டிகள் நடத்தப்பட்டது. நிகழ்ச்சியில் பொதுமக்கள் தங்களுக்கு உள்ள திறமைகளை உற்சாகமாய் வெளிப்படுத்தியதை காணமுடிந்தது. 'ஹேப்பி ஸ்ட்ரீட்' நிகழ்ச்சி பெரம்பலூர் மக்கள் மத்தியில் நல்ல வரவேற்பை பெற்றுள்ளது. இந்த நிகழ்ச்சி பொதுமக்களுக்கு மன அழுத்தத்தை போக்கும். இனி வாரந்தோறும் பெரம்பலூரில் நகரில் ஏதாவது ஒரு பகுதியில் 'ஹேப்பி ஸ்ட்ரீட்' கொண்டாட்ட நிகழ்ச்சி நடத்தப்படும் என்று போலீஸ் சூப்பிரண்டு ஷ்யாம்ளா தேவி தெரிவித்தார்.